Pas operacionit anti-drogë në Has, zbulohen detaje të reja lidhur me të arrestuarit. Policia vuri në pranga në flagrancë 5 persona dhe ka shoqëruar 10 të tjerë.
Por, kush janë disa nga të arrestuarit?
Flamur Bisho Çela është një nga të arrestuarit, i cili punon prej 26 vitesh tek zjarrfikëset në Shkodër.
Po ashtu në pranga kanë rënë Mustaf e Xhavit Shuti. Këta të fundit u përmenden edhe në një mesazh t publikuar nga ish-kryeministri Berisha, ku thuhej se janë babë e bir.
Në pranga kanë rënë edhe V.B. e A.Sh., ndërsa pritet që policia të japë detaje të tjera lidhur me laboratorin e drogës ku u kapën 100 kg heroinë.
