Historiani shqiptar Arben Llalla ka nxjerrë fotot e gjeneralëve, kolonelëve e nazistëve grekë të “Agimit të Artë” që morën pjesë në ceremoninë mortore të varrimit të Kacifas.
Ai ka postuar në profilin e tij në Facebook foto të tyre, duke dhënë edhe emrat e atyre që mbërritën sot në Bularat e drejtuan “turmat e tërbuara”. Gjatë ceremonisë ka pasur thirrje ekstremiste e antishqiptare nga grekët.
Mes këtyre drejtuesve, sipas Llallës janë Theodhoris Theodhoraqis, drejtues i lartë i sigurimit të partisë naziste Agimi i Artë, Koloneli grek Anestit Katsis, Gjenerali-Major i ushtrisë greke, eurodeputet i partisë naziste i Agimit të Artë, Eleftherios Sinadhinos.
Mes tyre, Llalla ka publikuar edhe një foto ku duket flamuri grek i vënë në varrin ku do prehet Kacifas.
Për këtë veprim, Llalla shkruan:
Budallëqet e grekëve. Varrosin flamurin. Por flamuri nuk varroset o të mjerë. Në asnjë vend të botës nuk varroset flamuri kombëtar, por kjo duhet të jetë shenjë e vetshkatërrimit të tyre…”
