Përhapja e shpejtë e variantit Delta ka bërë që shumë shtete në botë, të vendosin kufizime të reja të udhëtimit, për të ndaluar përhapjen e këtij mutacioni. Hong Kongu, Spanja dhe Portugalia kufizuan udhëtimet për qytetarët nga Britania e Madhe, ndërsa Gjermania e kishte kufizuar hyrjen në territorin e saj për Portugalinë, shkruan Protothema.
Gjermania gjithashtu e vendosi Rusinë në listën e saj të vendeve nga të cilat udhëtarët që vijnë nuk mund të shkurtojnë karantinën për shkak të varianteve të shqetësimit që qarkullojnë në vend.
Platforma e të dhënave GISAID, tregon se sa kritike është situata në Portugali për momentin. Departamenti shëndetësor portugez regjistroi 616 infeksione me variantin e rrezikshëm Delta në katër javët e fundit, i treti më i larti në një analizë të 80 vendeve dhe territoreve.
Kjo korrespondon me 56 përqind të të gjitha infeksioneve gjatë kësaj periudhe kohore. Vetëm Britania e Madhe, ku varianti Delta është përhapur për muaj me radhë dhe SHBA, numëruan më shumë infeksione me variantin gjatë kësaj periudhe kohore.
