Një gjyshe britanike që tronditi njerëzit me historinë e saj të dashurisë me një egjiptian 46 vjeç më të vogël, ka zbuluar se të qenit larg prej tij është e rëndë. Iris Jones, 82 vjeç, është zotuar të shkojë në Egjipt për të qenë me bashkëshortin e saj prej një viti, Mohamed Ahmed Ibriham, 36 vjeç, nëse kërkesa e tij për vizë refuzohet.
Iris, e cila u takua me Mohamedin në Facebook në vitin 2019 dhe u martua në vitin 2020 e përshkroi si të dhimbshme faktin se ai jeton larg, dhe pandemia nuk po i lejon ata të jenë bashkë. Marrëdhënia e çiftit u vendos në qendër të vëmendjes vitin e kaluar, kur Iris shkoi në emisionin “This Morning” të ITV, për të diskutuar diferencën e madhe të moshës dhe përfundoi duke zbuluar detaje të jetës së tyre seksuale.
Duke folur për “The Sun” se sa shumë i mungon burri i saj, Iris tha: “Dhimbja e zemrës është e pabesueshme. Gjithçka për të cilën po flasim tani është se çfarë do të ndodhë kur të takohemi. Nëse ai nuk do të marrë një vizë, do të jetë fundi i botës. Është sikur të ketë vdekur, por nuk ka vdekur, thjesht i zhdukur”.
Ajo shtoi: “Unë nuk kam moshën në anën time. Mund të vdes nesër. Çdo ditë është e çmuar. Është e tmerrshme të jesh i ndarë”.
Iris zbuloi se si Home Office ka kërkuar ‘prova’ të marrëdhënies së tyre, financave të tyre dhe zotërimit të tij të anglishtes, duke shtuar se ai kishte kaluar testin e kërkuar në anglisht.
Ndërsa afrohet përvjetori i tyre i një viti, Iris – e cila nuk e ka parë Mohamedin që nga dhjetori 2020 – shtoi se ajo ‘i beson atij jetën e saj’ dhe se ajo është e përgatitur të shkojë në Egjipt nëse kërkesa e tij refuzohet, duke shtuar: “Asgjë nuk do më mbaj mua dhe Muhamedin larg”.
Burimi i lajmit: dailymail. Përshtatur nga Tirana Today
