Një bandë e cila vidhte automjete të mëdha është shkatërruar nga policia italiane. Karabinierët gjatë operacionit të koduar “Digger” bënë të mundur ndalimin e shtatë personave.
Grupi ishte i përbërë nga italianë dhe shqiptarë. Ndaj anëtarëve të grupit janë dhënë edhe masat paraprake të sigurisë. Dy prej të cilave janë lënë në burg, dy në “arrest shtëpi” dhe tre janë lënën nën masën e sigurisë “detyrim paraqitje”.
Ndaj tyre rëndojnë akuzat e: vjedhjes, posedim të mallrave të vjedhura dhe pastrim parash.
Detyrat e anëtarëve të grupit ishin të ndara në detaje. Pasi ata i vidhnin automjetet, ata u nxirrnin dokumentacion të ri dhe më pas i shisnin.
Të arrestuarit janë:
Italiani Gioacchino Catania, i datëlindjes 1968 dhe shqiptari Liman Shera, 43 vjeç, ndaj të cilëve është caktuar masa e sigurisë “arrest me burg”.
Në arrest shtëpie u lanë, italiani me inicialet L.F, i datëlindjes ’70, dhe shqiptari më inicialet D.G. 42 vjeç, raporton gazzettadasti.it.
Ndërsa ndaj tre italianëve të tjerë është caktuar masa e sigurisë “detyrim paraqitje”./TIRANA TODAY/
