Këngëtarja Rita Ora tundi Tiranën në koncertin e saj mbrëmjen e djeshme, jo vetëm përmes këngëve, por edhe me anë të hiteve të saj.
Rita Ora e cila është me origjinë shqiptare dhe që po dominon tregun e sotëm botëror, performoi në skenën e sheshit “Skënderbej” me një veshje vërtet provokuese.
Kjo nuk i ka shpëtuar syrit të medias botërore, e cila i ka kushtuar një artikull të veçantë. Rita ishte mjaft provokuese me ngjyrën e saj të verdhë dhe çizmet rozë, e teksa ndezi edhe më shumë Tiranën në këto ditë të nxehta të këtij qershori.
Më pas Rita falenderoi të gjithë fansat e saj në Instagram, ku falenderon rreth 250 mijë pjesëmarrësit në koncert, një shifër e ekzagjeruar kjo për një hapësirë të atillë për sheshin “Skënderbej”.
“Faleminderit të 250 mijë fansave që ishit sonte këtu. Ju mund të jeni kudo në botë, ashtu siç keni qenë edhe më parë. Faleminderit të gjithëve që na ndihmuan për koncertin e sotëm, veçanërisht kryetarin e Bashkisë, Erion Veliaj. Ia kalova shumë mirë. Verona është ndalesa e radhës”, shkroi Rita Ora në Instagram.
Brenda pak minutash, postimi i yllit të muzikës u përmbyt me mijëra pëlqime dhe mesazhe.
“250000?! Kjo është çmenduri. Shpresoj të jem kaq e madhe një ditë dhe ëndrra ime është që të inspiroj njerëzit dhe të sjell kulturën në mbarë botën”, i shkruan një fanse e saj.
“Ju jeni një frymëzim për të gjithë ne”, shkroi një fans i saj.
“Jeni kaq hot!”, shkroi një tjetër.
Më pas një fans tjetër shkroi: “Rita ishe mahnitëse!”.
Rita Ora është ende në punim e sipër të albumit të saj të dytë, që nga viti 2013.
Ndërsa sipas “Daily Star”, Ora është duke punuar për të arritur një tjetër rekord.
“Kënga do të jetë e jashtëzakonshme… kur ta dëgjoni, ajo do të shndërrohet menjëherë në hit”, theksoi një burim për median angleze, “Daily Star”.
PËRSHTATI TIRANA TODAY
