Forumi për Mbrojtjen e Trashëgimisë Kulturore ka reaguar lidhur me lejet e miratuara së fundmi nga Këshilli Kombëtar i Territorit për ngritje gradaçelash pranë kullës së sahatit në Tiranë.
Forumi denoncon ndërtimin e “Book Building” (ndërtesës libër) pranë Kullës së Sahatit, ndërsa akuzon se projekti i sotëm i ngjan më tepër një godine ushtarake me kamuflazh.
“R.I.P për Kullën e Sahatit”, përfundon reagimin Forumi për Mbrojtjen e Trashëgimisë Kulturore.
Më poshtë deklarata e plotë:
Kulla e Sahatit ka qene ne 200 vitet e fundit pika me simbolike e Tiranes. Ndodhet ne cdo fotografi te vjeter, eshte simboli ne stemen e bashkise dhe i eshte dhuruar si suvenir cdo vizitori te huaj. Per shume arsye, edhe vete plani francez, i shumediskutuar per kullat e larta ne qendren e kryeqytetit, kishte guxuar deri ne ndertimin e nje ndertese te xhamte prane tij, ne formen e nje libri te hapur, e cila te vinte ne dukje me tej kullen simbol.
Kjo, e justifikuar nga arkitektet franceze, per te mbuluar “shemtine” e godines Torre Drini. Por mesa duket edhe ky argument eshte dukur i tepert ne vitin 2018.Te premten e kaluar, Keshilli Kombetar i Terrorit, aprovoi lejen per ndertimin e “Book Building” (Nderteses liber), qe mesa duket ka ruajtur vetem emrin e godines se propozuar dikur. Projekti i sotem i ngjan me teper nje godine ushtarake me kamuflazh, qe i ben karshillek kulles se Sahatit me pompozitetin e arkitektures tallava kitsch. R.I.P. per kullen e Sahatit.
Book Building është projektuar nga studio 51N4E, studio e preferuar e Kryeministrit Rama, e cila ka projektuar edhe sheshin Skënderbej dhe godinën e Hotel Plaza” shkruan Exit.al.
