Kur themi forcë nënkuptojmë shkencë, ekonomi, politik, organizim i përshtatshëm në marrëdhënie ndërkombëtare, përdorim organizatash dhe lobingje të caktuara, por forca e fundit që përdoret për të shtirë në dorë pretendimet e tiranëve dhe zhdukur të dobëtit që dalin përpara është forca e armës.
Nëse sot një vend posedon armë nukleare, do të thotë që është zotëruese e një force ushtarake të nivelit të parë.
Këtë armë nuk është nevoja ta përdorësh gjithmonë, vendi që ka në dorë këtë do të thotë që zotëron shpatën e Demokleut kundër atyre që janë të privuar nga ajo; madje ky kërcënim potencial është i mjaftueshëm, por për të hedhur bomba atomike dhe për të pasur një mbrojtje ajrore të mirëfilltë është nevoja e raketave të përshtatshme.
Turqia kur vendosi të blejë raketat mbrojtëse ajrore S-400 nga Rusia dhe madje të ishte bashkëpunëtor në prodhimin e tyre, SHBA-në e mbërthyen problemet. Tha që ndiheshin të shqetësuar duke përmendur NATO-n si dhe disa organizata të tjera.
Po nëse kjo armë është e efektshme dhe e nevojshme për mbrojtje dhe meqë SHBA dhe ortakët e saj nuk e japin këtë armë, atëherë Turqia çfarë do të bëj? Do të mjaftohet me atë që të fortët do t’i japin, do të përkul kokën para tyre apo të mos i ngul sytë tek të drejtat e veta legjitime?
Në fakt, kjo është ajo që SHBA dhe Perëndimi kërkojnë. Dhe njëri hap i rëndësishëm i këtij vendimi dhe zgjedhjeje, janë raketat S-400 që Turqia do të marrë nga Rusia. Ekspertët e shpjegojnë kështu mundësinë dhe forcën që Turqia do të fitojë nga këto raketa:
“Sistemi që Turqia do të marr, lidhur me sasinë, do ta bëj atë të fitoj për herë të parë aftësi mbrojtëse moderne në lartësi të lartë dhe distancë të gjatë, për më tepër në një hapësirë të gjerë. Për herë të parë do t’i bashkohet aftësive mbrojtëse të raketave balistike. Si përfundim S-400, pavarësisht mungesave në drejtim të bllokimit të raketave balistike, do ta përmbush nevojën si një sistem mbrojtës ajror me distancë të gjatë veprimi.”
Turqia për të mbrojtur veten dhe vendet e dobëta rreth saj, viktima të një padrejtësie, prej forcave të errëta mizore, ka nevojë për fuqi nukleare dhe këto raketat mbrojtëse S-400. Gazeta Yeni Safak/Hayrettin Karaman
