Champions League na ka dhuruar shumë emocione dhe gola në katër përballjet që u luajtën këtë javë. Real Madrid, Manchester City dhe Liverpool arritën të marrin fitore mjaft të rëndësishme, ndërsa Juventus-Tottenham u ndal në barazim 2-2. UEFA ka hartuar edhe formacioni i kësaj javë në Ligën e Kampionëve, ku kanë zënë vend lojtarët që ishin kyç në fitoret e ekipeve të tyre.
Mane, Firmino dhe Ronaldo e udhëheqin sulmin në formacionin e javës në Champions League.
Në formacionin më të mirë gjenden katër lojtarë të Liverpoolit, që e shkatërroi Porton 5-0 dhe katër lojtarë gjithashtu të Manchester City, që e mposhti 0-4 në udhëtim Baselin e Taulant Xhakës dhe Albian Ajetit.
Real Madridi, që e mposhti 3-1 PSG-në, përfaqësohet me dy lojtarë në këtë formacion, ndërsa ka vend edhe për një lojtarë të Tottenham, Eriksen, që i shënoi gol të bukur Juventusit në barazimin 2-2 në Torino.
