Shqipëria do të përballet me Izraelin në Ber Sheva në mbrëmje, në ndeshjen e vlefshme për Ligën e Kombeve. Kuqezinjtë kanë objektiv fitoren dhe por e rëndësishme është edhe që të mos dalin pa pikë nga ky takim, pasi do të mbante gjallë shpresën për të marrë vendin e parë. Ky kompeticion është i rëndësishëm për ekipet e vogla pasi mund të sigurojnë një biletë për në Euro 2020, pa kaluar në eliminatoret ku përballjet do të jenë shumë më të vështira.
Vetëm 4 ditë më parë kuqezinjtë zhvillojnë një miqësore me Jordaninë, e cila përfundoi në barazim pa gola. Por pavarësisht rezultatit Panucci është shfaqur shumë i lumtur në prag të ndeshjes me Izraelin, kjo pasi grupi duket se ka një gjendje fizike më të mirë se në grumbullimin e fundit.
Panucci u shfaq mjaft I lumtur në konferencën për shtyp dhe ka arsye për të qenë I tillë, pasi tashmë lojtarët në dispozicion të tij kanë një gjendje fizike dukshëm më të mirë sesa në qershor apo në shtator.
Në grupin 1 të Ligës C, ku bën pjesë Shqipëria, gjithçka është e balancuar, pasi të tre skuadrat kanë grumbulluar nga 3 pikë në dy ndeshjet e para të luajtura dhe gara për vendin e parë është e hapur tërësisht. Por kuqezinjtë janë mbrapa nga dy kundërshtarët për shkak të golavarazhit, pasi momentalisht është 2-1.
Ndërsa sa i përket formacionit me të cilin Panucci pritet të fillojë këtë sfidë do të ketë disa ndryshime nga ai që pamë në miqësore me Jordaninë. Porta pritet ti besohet Strakoshës, pasi është duke kaluar një moment mjaft të mirë me Lazion dhe në ndeshjet e fundit me Shqipërinë ka bërë disa pritje fenomenale.
Ndërsa në mbrojtje do të jenë Hysaj në të djathtë, Mavraj e Gjimshiti në qendër dhe Binaku në të majtë, ndonëse ka një balotazh të lehtë me Lenjanin. Në mesfushë trajneri italian do ti besojë treshesh që luajti në “Elbasan Arena” përballë Izraelit, Migjen Bashës, Taulant Xhakës dhe Ledian Memushajt.
Në sulm do të aktivizohet Bekim Balaj, pavarësisht se Rey Manaj është duke kaluar një formë mjaft të mirë. Panucci duket se i ka besuar eksperiencës në majën e sulmit. Mdërsa në mbështetje të tij pritet të rikthehet, Eros Grezda, lojtari më i pëlqyer i trajnerit italian. Ai beson se Grezda ka aftësi ta zgjidhë ndeshjen në çdo moment. Surpriza më e madhe është Myrto Uzuni, një i ri me shumë grindë që po shijon grumbullimin e parë në kombëtare, por që e ka nisur me këmbën e mbarë. Ai dha sinjale mjaft të mira në miqësore dhe Panucci pritet ta aktivizojë nga minuta e parë. Gjithsesi beratasi që është debutues në Kombëtare, do të rivalizojë deri në minutat e fundit me Enis Gavazajn për një vend në formacion.
Formacioni i mundshëm: Strakosha, Hysaj, Gjimshiti, Mavraj (C), Binaku, Memushaj, Basha, Xhaka, Grezda, Uzuni, Balaj. Tr. Christian Panucci.
