Ditën e nesërme Shqipëria do të përballet me Islandën në ndeshjen e radhës eliminatore të Europianit. Me shumë kuriozitet pritet edhe cila do të jetë skema dhe lojtarët që do të zgjedhë trajneri i ri, Edy Reja. Skema 3-5-2 është paralajmëruar nga italiani, që në momentet e mbrojtjes, shkon edhe në 5-3-2.
Dilemat për mbrojtjen dhe portierin janë të zgjidhura, duke mos pasur shumë balotazhe. Ergys Kaçe, Taulant Xhaka dhe Migjen Basha priten të kenë një vend të sigurt gjithashtu në formacion nga minuta e parë, pa përjashtuar edhe një surprizë që mund të ndodh me Abrashin.
Balotazhet që janë parë në formacion, nisur nga përgatitja e kuqezinjve në Gjermani, janë në krahun e majtë të mbrojtjes. Atje është Aliji që e luan me Lenjanin një vend, ndërsa mbetet enigmë edhe dyshja sulmuese nëse do të jetë Sadiku-Uzuni apo Balaj-Cikalleshi
