Arsenal dhe Liverpool në orën 18:30 në supersfidën e vlefshme për javën e 11 të Premier League. Dy gjigantët anglez do të kërkojnë të dalin nga kjo ndeshje me rezultate pozitive, pasi prej disa javësh radhazi nuk njohin humbje.
Liverpool e sheh si detyrim fitoren për të mbajtur hapin e Manchester Cityt, i cili aktualisht mban kreun me plot 26 pikë, po aq sa të kuqtë.
Nga ana tjetër Arsenali po shkëlqen në kampionat, teksa ndodhet në vendin e katërt me katër pikë më pak se vendi i parë. Në kuadër të kësaj ndeshje, Unai Emery dhe Jurgen Klopp kanë publikuar formacionet ku do të hedhin në fushë elementet më të mirë të mundshëm.
Trajneri gjerman u ka besuar sulmin treshes së frikshme Salah, Firmino dhe Mane, ku ka lënë në stol shqiptaro-zviceranin Xherdan Shaqirin. Nga ana tjetër, spanjolli do të luajë me skemën 4-2-3-1, ku padyshim Xhaka dhe Mustafi janë titullar.
