Në orën 20:00 do të zhvillohet ndeshja e dytë e grupit A mes Rusisë dhe Egjiptit në stadiumin e “Shën Peterburgut”. Vendasit në këtë takim vijnë pas fitores së thellë ndaj Arabisë Sauditë dhe Egjipti u mposht nga Uruguai me rezultatin minimal 1-0.
Ndërkohë, lajmi i mirë për skuadrën afrikane është se ylli i ekipit, Mohamed Salah do të luajë titullar, ndaj një rezultat pozitiv në këtë takim do të hapte shpresat e kualifikimit të Egjiptit për në fazën tjetër dhe në rastin më të keq, do ti thoshte lamtumirë që në ndeshjen e dytë të Kupës së Botës.
Dhe nga ana tjetër, Rusia do të kërkojë me ngulm që të marrë fitore dhe të sigurojë kualifikimin. Ndërkohë, të dy trajnerët kanë hedhur në fushën e lojës formacionet më të mira, pasi dështimi mund të ishte fatal.
