Me siguri keni hasur në fëmijë që luajnë me fluturat anti-stres. Ky i fundit është objekti që po bën namin në botë, por edhe në Shqipëri. Emri origjinal i tyre është “fidget spinners” dhe janë lodra të krijuara për menaxhimin e stresit te të rinjtë. Ajo është nja pajisje e vogël, ku pjesa qëndrore mbështetet në gishtin tregues dhe në gishtin e madh, ndërsa tre pjesët tjera i rrotulloni në gjendje të lirë.
Megjithatë, në shumë vende kjo lodër po ndalohet, për shkak se ajo krijon varësi. Kështu, ndjesia e të pasurit një pajisje e cila rrotullohet me shpejtësi të madhe në dorën tuaj është shkaku kryesor i kësaj varësie.
Në shumë shkolla është ndaluar përdorimi i kësaj pajisje me argumentin se ajo i shpërqendron nxënësit. Megjithatë, kjo nuk do të thotë se kjo lodër është e ndaluar në ambientet e tjera.
Industria e fluturave anti-stresuese ka “shpërthyer” përgjatë muajit të fundit, ndërsa ka sjellë lloje të ndryshme të kësaj lodre.
Kjo lojë është shumë e preferuar nga fëmijët, por jo vetëm, pasi ajo përdorët edhe nga shumë të rritur.
Megjithatë, më shumë se anti-stres, duket se kjo lojë është më tepër fiksuese, teksa është përhapur me shpejtësi në të gjithë botën. Duhet thënë se deri më tani nuk ka pasur incidente lidhur me këtë shpikje.
