Aksi rrugor Tiranë-Gjiri i Lalzit është i mbingarkuar për shkak të fluksit të madh të automjeteve.
Qytetarë të shumtë janë drejtuar në bregdet këtë ditë të dielë, duke shkaktuar trafik në këtë aks rrugor.
Kështu, Policia Rrugore njofton të gjithë drejtuesit e automjeteve që kanë destinacion të ndryshëm nga Gjiri i Lalzit që të zgjedhin aksin rrugor Tiranë-Ndroq-Plepa-Durrës, në mënyrë që të mos bllokohen dhe të lehtësojnë sadopak trafikun.
Ndërkohë, në akset rrugore Lezhë-Shëngjin, Shkodër-Velipojë dhe Fier e Vlorë situata e trafikut është mbi normalen e javës, por nuk ka probleme.
