Ashtu si kishte premtuar Florian Marku ka shkatërruar që në raundin e parë serbin Sladjan Dragisiç me një goditje fluturimthi. Dukeshe qartë që në momentin e parë që kikboxeri shqiptar ishte më në formë pasi që në goditjen e parë e rrëzoi në tokë por Dragasic rezistoi.
Ndërkohë në momentin e dytë Florian Marku tregohet i pamëshirshëm dhe me një shkelm të fuqishëm në brinjë e rrëzon në tokë serbin duke e lënë pa frymë. Hyrja e tij në oktagon ishte e jashtëzakonshme i shoqëruar nga rreperi Noizy. Markut i kanë mjaftuar vetëm 90 sekonda për ta mbyllur këtë ndeshje, duke treguar superioritet të padiskutueshëm ndaj kundërshtarit.
Vlen të theksohet se në pallatin e sportit “Asllan Rusi” u krijua një atmosferë e jashtëzakonshme, nga tifozëria. Aurela Gaçe këndoi himnin shqiptar, ndërsa Noizy shoqëroi Florian Markun gjatë daljes në ring.
“Me sportistë si ky, ndeshem me 3 njëherësh, pasi ishte i një niveli shumë të dobët. Gjithsesi përzgjedhja e kundërshtarëve nuk është në dorën time, por të menaxherëve, ndaj nuk kam çfarë të bëj.
Tani edhe dy ndeshje dhe mund të garoni në UFC…
Po, maksimumi 2-3 ndeshje dhe do të më shikoni në UFC. Atje jam gati të garoj dhe të ngre lart flamurin shqiptar. Do të jetë e vështirë sa të futem në UFC, sepse pastaj jam i bindur që rripi do të jetë i imi”, deklaroi Florian Marku pas sfidës.
