Ish-kreu i SHISH, Fatos Klosi ka komentuar thirrjen e Shkëlzen Berishës nga Prokuroria për çështjen CEZ.
I ftuar në emisionin “360 gradë” në Ora News, Klosi tha se nuk është rastësi që fletëthirrja për Berishën bëhet pikërisht para protestës së 27 janarit.
Zheji: Mendon që është koicidencë që pikërisht sot prokuroria ka lëshuar një flet-thirrje për djalin e Sali Berishës?
Klosi: Kam dëgjuar këto ditë që çekët janë angazhuar për atë problem dhe nuk i kam dëgjuar herë tjetër vetëm këto ditë. Institucionet në Çeki po përgatitet të përballen me këtë problem.
Dikush ua ka kërkuar këtyre këtë. Unë besoj te gjithë kjo që ka thënë Lu-ja, që ka premtuar qe brenda janarit do të ketë “peshq të mëdhenj”, por nuk më pëlqeu që “peshq të mëdhenj” quajti ca hajdutë. Kujtova se peshq të mëdhenj ishin ca të tjerë dhe mbase ua kanë kërkuar çekëve që të riaktivizojnë atë problem se prandaj besoj te vetingu, ata kane investuar shume dhe nuk ka kthim mbrapa. Çështja është në Shqipëri megjithatë provat mund të vijnë nga Çekia.
Unë besoj se nuk është bërë rastësisht, nuk bëhet asgjë rastësisht dhe nuk çuditen. Dalin tani të protestojnë kundër Edi Ramës kur vetë janë deri këtu…me gjëra shumë të rënda, me vrasje.
