Këshilli i Gjykatës Themelore në Shkup ka pranuar kërkesën e Prokurorisë Speciale Publike (PSP) për t’i shqiptuar kryetarit të komunës së Pustecit, Temelko, 30 ditë paraburgim. Ndërsa dje mbrëmë është nënshkruar fletarresti ndërkombëtar për Edmond Temelkon.
Prokurorja Lençe Ristoska sot njoftoi se ka kërkuar paraburgim për Temelko, pasi ka pasur dyshime se ka kaluar kufijtë dhe ka dalë jashtë shtetit. Temelko është i akuzuar në lëndën “Titanik” për parregullsi zgjedhore në zgjedhjet lokale të vitit 2013.
Në rrugë jo zyrtare mësohet se edhe pse ka pasur një ndalesë për të mos u larguar nga Maqedonia, Temelko ka kaluar disa herë kufirin duke shfrytëzuar dokumentet për identifikim të Shqipërisë.
