Ai shton se vëllai jetonte me të ëmën e moshuar.
Nuk kishte asnjë lidhje mes Teftës dhe Massimo De Santis, kështu pretendon vëllai i viktimës, Gianluca. Në një intervistë për mediat italiane ai tha se i vëllai madje as nuk e kishte takuar ndonjëherë veçmas fqinjën e tij.
“Nuk kishte asgjë fare mes tyre, vëllai im nuk pati mundësi as të takonte zonjën, as në lokalin ku ajo erdhi me shoqet për të ngrënë mëngjes pasi i çoi fëmijët në shkollë: në atë orë Massimo ishte ende në gjumë sepse ai bënte gjithçka në lokal, nga pastiçeri deri te sporteli.”- shpjegon për ANSA vëllai i 51-vjeçarit të vrarë me 21 plagë me thikë.
Ai shton se vëllai jetonte me të ëmën e moshuar.
“Massimo kishte jetuar në atë godinë për 43 vjet me nënën tonë, tani 80 vjeçe dhe e ve. Marrëdhëniet me atë familje ishin të shkëlqyera, përshëndeteshin dhe respektonin njëri-tjetrin. Madje Taulanti kur e shihte nënën tonë shkonte e merrte dhe e sillte tek lokali ynë. Tani nëna ime është shkatërruar dhe gjithmonë mendon, si dhe djali i saj dhe vajza e gjorë u vranë. Ai është i sëmurë. Po ajo çfarë i kishte bërë, ishte gjaku i tij,”-shtoi italiani.
Si ndodhi masakra?
45-vjeçari me profesion bukëpjekës dyshonte se bashkëshortja e tradhëtonte me një italian të identifikuar si Massimo De Santis, 51 vjeç. Për këtë arsye, dyshja ishin konfliktuar shumë herë, por sherri kulmoi një natë më parë kur shqiptari i zuri pritë në shkallë italianit. Ai e qëlloi 51-vjeçarin me një thikë kuzhine dhe e la të mbuluar në gjak në shkallë ku dhe ndërroi jetë. Më pas, me të njëjtën thikë të lyer me gjak, u fut në banesë ku u konfliktua me të shoqen. Dyshja nisën të konfliktoheshin fizikisht. Ai qëlloi gruan me thikë e më pas nisi të qëllonte të bijën, vetëm 16 vjeçe, për të cilën gjithashtu thotë se është ngacmuar nga italiani. Adoleshentja ndërroi jetë në vend ndërsa gruaja ndodhet në spital, jashtë rrezikut për jetën. I vetmi që shpëtoi ishte djali 5-vjeçar. Taulant Malaj i filmoi të tre dhe videon me trupat e tyre të mbuluar në gjak ua dërgoi të afërmve. Në sfond dëgjohet të shante të shoqen dhe të thoshte se do të vijonte t’i masakronte me thikë, pasi policia nuk kishte mbërritur ende në vendngjarje.
