Azem Hajdari, djali i vogël i liderit të Dhjetorit, i është bashkuar protestës masive të studentëve. Teksa foli për mediat, Azemi tha se studion në fakultetin e Drejtësisë, dega Juridik ndërsa tha se sot u është bashkuar studentëve për të qenë vetë arkitekt i së ardhmes.
Madje, ai paralajmëroi se studentët janë të gatshëm edhe për përplasje fizike dhe psikologjike deri në plotësimin e të drejtave.
“Unë studioj Juridik, jam në shtetëror. Ka ardhur dita që të ngrihemi kundër shtypjes. Ne jemi gati edhe për përplasje fizikisht edhe psikologjikisht për të drejtat tona. Njerëzit po shtypen, nuk e kanë më mendjen PD a PS. Ne jemi shqiptarë, jemi njerëz pastaj jemi parti. Babai im ka qenë student, më pas politikan. Unë vij si shok i këtyre djemve e vajzave e për të qenë vet arkitekt i të ardhmes sonë, s’do lejojmë askënd tjetër të jetë arkitekt i së ardhmes sonë”, përfundoi Hajdari.
Kujtojmë se edhe motra e tij, deputetja Rudina Hajdari doli kundër PD-së teksa tha se ka ikur koha e partive dhe se e ardhmja i përket studentëve. Po ashtu, Hajdari tha se po mendon të lërë mandatin e deputetes dhe t’i bashkohet protestës masive të studentëve./ TIRANA TODAY
