Blerina Balili është këngëtarja që ka qenë duke interpretuar në lokal mbrëmjen e së enjtes, kur ndodhi atentati ndaj Ergys Gjioveshajt.
Balili ka përshkruar momentet e tmerrit, që ka përjetuar në ato çaste, kur është qëlluar me armë. Ende e tronditur pas asaj që ka parë, këngëtarja gjen mundësinë të ngushëllojë familjarët e viktimës.
“Ishte fat që jemi ende gjallë dhe më vjen shumë keq për ngjarjen që ndodhi. Ishte tmerr. Ishte skena më e keqe që mund t’i ndodhë dikujt, situatë jashtë mase e vështirë. Nuk kam fjalë ta përshkruaj. Ku po shkon rinia jonë, çfarë po bëhet o Zot?! Mbi të gjitha ngushëllime të sinqerta familjes që pati fatkeqësinë. Unë thjesht isha në punë, nuk isha për vrasje aty dhe ishim me fat që shpëtuam”, thotë këngëtarja.
