“Konstandinin e pashë, biseduam, u ulëm dhe i dhashë ujë për të pirë. Pastaj i dhashë edhe një pallto, sepse ishte ftohtë. Ai ishte i qetë. Unë shkova më pas të kontrolloja delet. Në një moment unë e humba atë nga sytë dhe ai u zhduk”- ka thëne bariu për mediat greke.
Ne fund, ka treguar se është befasuar kur ka parë helikopterin: “Ishte një luftë e madhe, pashë helikopterin, për fat nuk mora ndonjë plumb”.
https://tiranatoday.com/e-takoi-ne-mal-bariu-tregon-detaje-se-cberi-kacifas-pak-para-ngjarjes/
Dy ditë më parë, për mediat greke ka folur kunati i Kaçifas, Vagjel Sakelaraqis. Ai ka thënë se Kaçifas ishte i vendosur të vdiste. Në një prononcim për televizionin grek Skai, kunati ka thënë se Kaçifa kishte mundësi të ikte, por zgjodhi të vritej.
“Pyetja ime që nga dje të cilën e zgjidha është se në momentin kur u ngjit aq lart dhe takoi bariun të cilit i kërkoi ujë dhe xhupin që u ngroh pak dhe kjo për rreth 1 orë, ai vendosi të kthehej pas…. dhe kuptova dje në darkë në morg, pse u kthye mbrapa, kishte vendosur të vdiste këtë orë, këtë ditë të shenjtë, e kuptoj që dëgjohet pak e cmendur, nuk ishte i çmendur… Konstandini u qëllua në këmbë me duart hapur… në kohën që ai ngriti duart lart policët shqiptarë e qëlluan atë nga një distancë prej 15-20 metra.”-ka thënë kunati i tij.
Konstantinos Kacifa u vra 3 ditë më parë nga RENEA, pasi qëlloi me breshëri mbi policinë. Ai nuk pranoi të dorëzohej dhe RENEA e qëlloi. Kaçifa njihej si ekstremist grek dhe ishte pjesë e grupeve nacionaliste-ekstremiste greke.