Raportuesi për Shqipërinë në Parlamentin Europian, Knut Fleckenstein, ka treguar se kolegë të tij në PE nga Greqia dhe Qipro, i kanë dërguar letra pas vrasjes së minoritarit Kostantino Kacifas.
Ai rrëfeu përmes një deklarate për mediat se ka marrë një letër, ndonëse nuk tregoi shumë detaje në lidhje me përmbajtjen e letrës.
“Mora letër të gjatë nga kolegët grekë ose qipriotë nga Parlamenti Europian. Pyetja është; a ishte e nevojshme për ta qëlluar atë”, tha ai.
Eurodeputeti komentoi edhe për thirrjet antishqiptare një ditë më parë në Bularat, nga ekstremistët grekë gjatë funeralit të Kacifas.
“Nuk mendoj se ka nevojë që të kemi nacionalistë grekë, që të keqpërdorin këtë situatë të trishtë. Mendoj që nga njëra anë nuk duhet të lejojmë nacionistë, dhe duhet të jemi të hapur në rast se nuk kemi asgjë për të fshehur”.
