Vetëm një ditë pas bllokimit të rrugëve nga opozita, mbërrijnë në Tiranë eurodeputetët Fleckenstein dhe McAllister.
Këta të fundit do të zhvillojnë një deklaratë të përbashkët për shtyp, ku do të prezantojnë edhe qëllimin e vizitës së tyre në Tiranë dhe përpjekjet për të gjetur një pikë të përbashkët për të zhbllokuar situatën.
Më pas, ata do të vijojnë takimet me aktorë të rëndësishëm të politikës shqiptare. Fillimisht, Fleckenstain dhe McAllister do të takohen me kryeministrin Edi Rama, së bashku me kryetarin e kuvendit, Ilir Meta, në një seancë dëgjimore për të njohur situatën. Takimi i radhës do të jetë me kryetarin e partisë Demokratike, Lulzim Basha.
Eurodeputetët do u japin palëve politike një draft marrëveshjeje si një zgjidhje për ngërçin politik në vend.
Takimi mes Bashës dhe David McAllister është i konfirmuar, ndërkohë që ka paqartësi për praninë në këtë takim të eurodeputetit Fleckenstein, shkruan Ora News.
