Eurodeputeti, Knut Fleckenstein, ka komentuar situatën politike në Shqipëri, si dhe protestën e opozitës.
Fleckenstein tha se qeveria teknike nuk është domosdoshmëri, ndërsa BE nuk jep rekomandime për qeverinë teknike.
Gjithashtu, eurodeputeti kërkon që të votohet vettingu në Parlament.
“Qeveria teknike nuk është e nevojshme në Shqipëri. E nevojshme ishte në Maqedoni, ku kishte prova. Asnjë nga europarlamentarët nuk e mbështet bojkotin e PD-së. Të mos shkosh në parlament do të thotë, të mos ndryshosh asgjë. Të mos ndryshosh asgjë në lidhje me zgjedhjet, është zhgënjyese. Për zgjedhjet duhet te zbatohen rekomandimet e OSBE-ODIHR. Protesta e opozitës mund të jetë jo vetëm për të bllokuar vettingun. Asnjë nga europarlamentarët nuk e mbështet bojkotin e Partisë Demokratike. Bojkoti nuk është rrugë për të zgjidhur problemet. Vendi është i lirë të bëjë çdo lloj zgjedhje”, tha Knut Fleckenstein.
