Flamurtari i Duros ka mposhtur Vlazninë me rezultatin e pastër 2-0, në xhiron e 14 të Superligës. Një sukses me vlerë për vlonjatët, që tashmë e shohin veten në vendin e dytë të renditjes, -6 pikë nga Skënderbeu i vendit të parë dhe +2 pikë nga Kamza e vendit të tretë, por të dy rivalët kanë nga një ndeshje më pak, që do t’i luajnë nesër, korçarët në Laç, ndërsa Kamza pret Luftëtarin.
Ndeshja është dominuar e gjitha nga vlonjatët të cilët e kanë zhbllokuar që në minutën e 8’ me anë të Mustës. Goli vjen pas një gabimi të portierit shkodran i cili pas një pritjeje e lë topin në zonën ku ndodhet Musta dhe ky i fundit e dërgon në rrjetë me shumë lehtësi. Pjesa e mbetur e lojës dominohet nga djemtë e Duros, të cilët gjejnë edhe golin e dytë në minutat e fundit me anë të Camaras, për të vulosur një fitore mjaft të rëndësishme. Vllaznia me këtë humbje ia vështirëson më shumë punën vetes dhe futet në “vallen” e mbijetesës.
Flamurtari 1-0 Vllaznia
Golat: Musta 8’/Camara 88’
FORMACIONET:
Flamurtari: Nurkoviç, Siljanovski, Bicaj, Mersini, Musta, Sidibe, Pollozhani, Kamara, Hoxhaj, Alvesh, Bushiç. Trajner: Shpëtim Duro
Vllaznia: Sherri, Gocaj, Gurishta, Orelesi, Marku, Krymi, Tafili, Vucaj, Hasani, Lika, Atsina. Trajner: Ernest Gjoka
Gjyqtar: Olsid Ferataj
