Lidhur me deklaratat e kryeministrit Edi Rama, i cili ishte ditën e sotme në Kukës, ku dha mesazhe të qarta se nuk ka ndërmend të japë dorëheqjen për të shkuar në qeveri teknike, deputeti i PD-së me orgjinë nga Kukësi, Flamur Noka, ka shpërthyer me tone të ashpra drejt tij.
Sipas Nokës, Rama nuk duhet të bënte deklarat politike sot, nga ky qytet, por duhet të fliste për realitetin dhe mungesën e investimeve në të gjithë Qarkun.
“Sot kryeministri ishte në Kukës por nuk e dëgjuam të fliste për asnjë moment për Kukësin!!!!! Nuk ju tha se kush i përzuri mbi 5000 kuksianë në këto katër vjet rrugëve të Europës?? Nuk ju tha pse nuk ka hapur asnjë vend pune që premtoi dikur… Nuk ju tha se pse jua ka përgjysmuar dhe ndihmën ekonomike familjeve në nevojë!!! Nuk ju tha pse ka shkatërruar shëndetësinë në Kukës e për një gjilpërë kuksianët duhet të vijnë në Tiranë?!!!! Nuk ju tha kush e ka dyfishuar varfërinë në këto katër vite!!!!! Të rinjve nuk ju tha se kush jua mbylli filialin e Universitetit Shtetëror dhe po u pamundëson shkollimin!!! Nuk ju tha pse i ka katandis arsimin në Kukës si në mesjetë ku japin mësim në shkollë të mesme mësues me 8- vjeçare… Nuk ju tha kuksianëve se pse i ka lënë pasdore dhe i ka trajtuar dhe vazhdon t’i trajtojë si qytetar të dorës së dytë!!! Nuk ju tha pse nuk e ka Kukësin në hartën e investimeve!!! Nuk ju tha kukësianëve se pse jua vrau shpresën e të jetuarit në atë vend.
Nuk mund tju thoshte asgjë të tillë se ai thjesht i urren. Shkoj sa të kërkojë ndonjë votë e pastaj kuksianët për të thjesht nuk ekzistojnë. Ky 4-vjeçar vërtetoi se për Kukësin e Qarkun në përgjithësi Rilindja ishte ‘murtajë'”, shkruan Noka.
