Fitorja e Emmanuel Macron ka ndikuar drejtpërdrejtë në bursë, duke sjellë rritjen e vlerës së monedhës Euro kundrejt Dollarit.
Kjo erdhi pas fitimit të besimit të investitorëve dhe aleatëve evropiane me fitoren e Macron. Ata kanë qenë nervozë lidhur me rrezikun e një trazire populiste që do të zgjidhte daljen e Francës nga Bashkimi Evropian.
Kështu, Euro u rrit në nivelet më të larta në gjashtë muajt e fundit, pasi u këmbye me 1.1024 dollarë.
Jo vetëm kaq, por kjo monedhë arriti nivele të larta këmbimi edhe me monedhat e tjera, ku kapi nivelin më të lartë të këmbimit prej një viti me Jenin japonez dhe nivelin më të lartë të pesë muajve me frangën zvicerane.
