Janë lënë të lirë mjekët dhe infermierët e arrestuar në spitalin e Shkodrës. Ish-drejtori i Spitalit Rajonal të Shkodrës si dhe 7 mjekët e arrestuar pak dite më parë janë lënë të lirë. Ata u arrestuan pas akuzave për shpërdorim detyre, duke blerë ilaçe dhe medikamente mjekësore jashtë kritereve dhe kapacitetit të spitalit.
.Ditën e sotme Gjykata e Shkalles së parë në Shkodër rivlerësoi masën e sigurisë, ndërsa vendosi lirimin e tyre. Togat e zeza liruan me garanci pasurore disa prej bluzave të bardha, ndërsa për disa u caktua ‘detyrim paraqitje’.
Kujtojmë se më 19 shtator u arrestuan për abuzime me tenderat e ilaçeve, ish-drejtori Përparim Çela, mjeku Luan Dragusha, infermieri Renato Kepi ndërsa janë në kërkim ish-drejtorja dhe mjekja Dhurata Uruçi dhe mjeku Edmir Smajli.
Ndërkohë, 4 pjesëtarë të administratës së spitalit, Albana Mehmetaj, Karmen Kaçulini, Juliana Zhuri si Amanda Matlija, janë lënë në ‘arrest shtëpie’.
