Ish-mbrojtësi i Juventusit, Stephan Lichtsteiner, ka vendosur të tërhiqet nga futbolli në moshën 36-vjeçare.
Lajmin e ka bërë të ditur vetë futbollisti, përmes një videoje të shpërndarë në rrjetet sociale.
“Pas disa javësh reflektim, kam vendosur të ndalem dhe të tërhiqem nga futbolli. Me këtë video dua t’ju falënderoj për emocionet e shkëlqyera të jetuara bashkë. Jam krenar për rrugën e bërë bashkë, duke filluar nga Grasshoppers, më pas Lille, Lazio, Juventus, Arsenal dhe për ta mbyllur me Augsburg. Dhe natyrisht shumë vite me kombëtaren. Faleminderit për gjithçka”, thotë ai në video.
Në karrierën e tij, 36-vjeçari ka fituar 7 Seria A, 4 kupa të Italisë dhe 3 superkupa të Italisë me Juventusin. Gjithashtu ai ka fituar një kupë Italie, një Superkupë të Italisë me Lazio-n dhe një kampionat zviceran me Grasshoppers.
https://twitter.com/LichtsteinerSte/status/1293519370468167681
