Shkrimtari britanik me origjinë japoneze, Kazuo Ishiguro fitoi sot çmimin Nobel në Letërsi.
Romanet e tij më të famshëm “Mbetjet e Ditës” (The Remains of the Day) dhe “Mos më lejo të iki” (Never Let Me Go), u adaptuan edhe në filma të famshëm.
Ishiguro ka shkruar tetë libra, të cilët janë përkthyer në më shumë se 40 gjuhë.
Por, çfarë tha shkrimtari pas fitores së çmimit Nobel?
Kazuo Ishiguro duket se nuk e priste marrjen e çmimit të madh, madje ai shtoi se fillimisht mendoi se lajmi ishte i rremë.
Shkrimtari pranoi se nuk ishte kontaktuar nga komiteti i Nobelit, madje nuk ishte i sigurt nëse ishte lajm i vërtetë, por dyshonte se ishte një mashtrim.
Ai tha: Është një nderim madhështor, kryesisht sepse kjo do të thotë se unë jam në gjurmët e autorëve më të mëdhenj që kanë jetuar.
Më tej, Ishiguro deklaroi se shpresonte që çmimi Nobel të ishte ogur i mirë teksa dëshira e tij ështe që të japë një kontribut për të përmirësuar botën ku jetojmë:
“Bota po përjeton një moment jo fort të mirë dhe shpresoj që çmimi Nobel të kishte forcën në një moment të caktuar që të kontribuonte pozitivisht për botën.
Do të ishte një nxitje e jashtëzakonshme për mua nëse do mundja në një farë mënyre të kontribuoja pozitivisht këtë vit në këtë kohë aspak të sigurt.”
