Besimtarë myslimanë në të gjithë vendin falën sot namazin e Fitër Bajramit.
Sipas axhendës së publikuar dje nga KMSH, aktiviteti nisi në orën 05:40 dhe mbaroi në 06:20.
Në sheshin ‘Skënderbej’ pati dyndje besimtarësh që bënë faljen e namazit së bashku siç e do dhe tradita.
Çfarë është festa e Fitër Bajramit?
Fitër Bajrami është festa e cila bëhet fill pas mbarimit të muajit të Ramazanit. Para ditës së bajramit myslimanët shpërndajnë lëmoshë, solidarizohen me të varfrit, kështu për ta festuar së bashku këtë festë.
All-llahu ligjësoi në fund të muajit të Ramazanit festën e Fitër Bajramit, gëzim për myslimanët ashtu siç ligjësoi festën e Kurban Bajramit në ditën e dhjetë të muajit Dhul-Hixhxhe.
Festa e Bajramit manifestohet duke falur namazin e Bajramit.
Koha e namazit të Bajramit fillon me ngritjen e Diellit nga horizonti sa një shtizë, derisa të arrijë në zenit.
