Dorëzohen në Ministrinë e Drejtësisë, byzylykët e mbikëqyrjes elektronike nga përfaqësuesit e firmës private. Byzylykët e mbikëqyrjes elektronike përdoren ndaj personave që kanë masë ndaluese për veprat penale.
Sasia prej 300 byzylykësh që kap vlerën e 2 milionë eurove, siç ka konstatuar ministria e Drejtësisë i ishte rikthyer në kundërshtim me ligjin kompanisë private të kontraktuar e cila është një bashkim operatorësh ekonomik.
Mësohet se firma do i dorëzojë byzylykët pranë Sekretarit të Përgjithshëm dhe grupit te punës të ngritur nga ministria i cili nga ana e tij do të verifikojë nëse përputhen teknikisht me karakteristikat e përcaktuara në kontratë.
