Firma e ndërtimit të rrugës Maliq-Moglicë ka dëmtuar varrezat e fshatit, duke nxjerrë në sipërfaqe edhe eshtrat e të vdekurve të asaj zone. Shqetësimi është transmetuar në emisioni “BOOM” në Ora News ku banorët e fshatit thonë se ata kanë filluar të mbledhin eshtrat e familjarëve të tyre.
Banorët thonë se e kanë vënë në dijeni firmën e ndërtimit se në këtë zonë ka varreza, por nuk është marrë asnjë masë.
Banorët e fshatit e kanë çuar çështjen deri në Prokurori, por Prokuroria e Korçës e ka pushuar çështjen me arsyetimin se pretendimi i banorëve nuk qëndron.
Gjithashtu banorët i kanë shkruar edhe kryeministrit, por nuk kanë marrë asnjë përgjigje.
