Kampionati italian sonte sjell një përballje mjaft interesante, ku Juventusi do të udhëtojë drejt Firences për tu përballur me ekipin violë. Edhe p-se ka një disnivel të madh mes dy ekipeve momentalisht, ku Juve lufton për titull dhe Fiore ndodhet në mesin e tabelës. Por kjo është një ndeshje speciale për Fiorentinën dhe tifozët e saj, pasi ekziston një urrejtje shumë e vjetër dhe motivimi në të tilla raste është ndryshe.
Në dukje për disa tifozë të “thjeshtë” të futbollit ndeshja Fiorentina-Juventus është thjesht një takim i radhës në Serie A dhe nuk mbart ndonjë histori të madhe. Por për ata që e njohin mirë historinë mes këtyre dy ekipeve e dinë se rivaliteti dhe urrejtja sidomos nga krahu i Fiorentinës është e jashtëzakonshme.
Gjithçka fillon në vitin 1928 kur Juventus mund Fiorentinën në shifrat 11-0 duke i dhënë fillim urrejtjes. Violave iu desh të prisnin rreth 30 vite për të shijuar triumfin e parë përballë bardhezinjve. Më pas edhe kampionati i vitit 1982 ku Juve mori “scudetton” në javën e fundit. Ekipet ishin të barabarta me pikë, por në ndeshjen e fundit Fiore nuk arrin të fitojë dhe i anulohet një gol i rregullt, ndërsa Juventusa merr një fitore minimale 1-0, pas një penalltie mjaft të dyshimtë. Kjo ishte një moment tjetër që tifozët shpërthyen në urrejtje.
Më pas vjen edhe fitorja e Kupës UEFA në dëm të Fiorentinës dhe për ti vënë kapak çdo gjëje ishte kalimi i Baggios nga Fiore te Juve në vitin 1990. Ky ishte momenti ku tensioni arriti kulmin dhe një grupi tifozësh pushtojnë qytetin duke shkatërruar çdo gjë që u dilte para. Ndërsa së fundmi ka ndodhur edhe një transfertë tjetër mjaft e rëndësishme mes dy ekipeve, pasi Bernardesci kaloi nga Fiorentina tek Juventus. Edhe pse ishte një transfertë 40 milionë euro, nuk qetësoi aspak tifozët violë, por shpërthyen sërish ndaj drejtuesit dhe lojtarit. Një urrejtje që ekziston prej vitesh dhe që toskanët nuk e harrojnë kurrë sa herë që ndeshen me bardhezinjtë.
