Dy kandidatët kryesorë në garën për kreun e federatës shqiptare të futbollit Armand Duka dhe Bashkim Fino janë në një përballje platformash dhe idesh në Top Channel, në emisionin “Të Paekspozuarit” të gazetarit Ylli Rakipi.
Bashkim Fino ka lëshuar një lumë akuzash për kundërshtarin e tij, presidentin aktual të FSHF-së, Armand Duka. Ky i fundit është mbrojtur me alternativat se Fino po përdor krimin dhe se nuk ke pse acarohesh këtu në studio por të bëjmë një bashkëbisedim. Duka përpiqet të justifikojë ekzistencën e shoqatave fantazmë, që pretendon se janë funksionale që nga viti 2001 dhe janë pranë Federatës. Por Fino ka argumente dhe vërteton se nuk është e vërtetë, pasi nuk kishte pse nxitonte për ti regjistruar në momentin e fundit.
Në moment që Fino ishte duke folur ndërhynë gazetari Rakipi që i kërkon të respektojë edhe kandidatin tjetër dhe i ndërpret fjalën. Fino në atë moment shprehet: “Unë e di që sonte jam në një fushë kundërshtare, pasi kamë përballë Dukën dhe juve si televizion.” Një akuzë të tillë Fino e ka bërë edhe pasditen e sotme ndaj “Top Channel”, se është duke bërë tifozin në këtë garë të FSHF-së.
