Fino i kthehet Komisionit: Zbatoni detyrat, nuk jeni pronë e Dukës

Bashkim Fino pas deklaratave të forta që ka lëshuar jë natë më parë në drejtim Armand Dukës, ku e cilësoi edhe si pronarë të FSHF-së, sot(e hënë) ka bërë lëvizjen e radhës. Duke qenë se refuzimin për të pasur në dorë listën e anëtarëve të Asamblesë, ai i ka dërguar një letër Komisionit të Verifikimit të Asamblesë, ku kërkon nga ata zbatimin e detyrave për të cilat janë emëruar.

“Zbatoni detyrat për të cilat jeni emëruar. Shmangni burokracinë brenda Federatës së Futbollit. Garantoni mekanizmat që vendimmarrëse të jenë klubet, çdo vendim dhe praktikë tjetër është abuzim”, thuhet në letrën e Finos i cili ngre shqetësimin se prej 12 vitesh në asamble votojnë 12 subjekte fiktive. 

“Një njeri i vetëm sillet me FSHF si në pronën e tij. Për disa vite ne Asamble votojnë 12 subjekte fiktive. Administrata ka abuzuar në vijimësi me listën. Verifikimi i këtij dokumentacioni është detyrë e juaja. Ju bëj thirrje të bëni publike listën e delegatëve”, thuhet më tej në letrën e Finos drejtuar anëtarëve të Komisionit të Verifikimit të Asamblesë.