Partitë politike në Shqipëri kanë mungesë të theksuar të transparencës financiare. Edhe pse janë bërë diskutime të ndryshme me tematikë ligjore, duket se deklarimet e burimeve të parave mbeten ende një “tabu” për politikën shqiptare.
Kontratat e lobimit të PD-së dhe lidhje e mundshme me rusët ka turbulluar ujërat e politikës shqiptare, por kjo ka shtuar edhe akuzat e ndërsjella mes palëve. Partia Socialiste kërkon që kreu i PD-së të shkojë në Prokurori dhe të sqarojë të gjithë shkeljet e mundshme.
Nga krahu tjetër, selia blu ka deklaruar se PD nuk ka asnjë lidhje me pretendimet e ngritura, por vetë Basha ka deklaruar se: “PD-ja, ka paguar aq sa ka deklaruar dhe ka deklaruar aq sa ka paguar”.
Menjëherë pas publikimet të lajmit nga revista “Mother Jones”, organet e prokurorisë kanë nisur proceduarat hetimore ndaj veprimeve të kryera, ndërsa zhvillime ka patur edhe në SHBA. Atje FBI-ja ka nisur hetime për lobistin Nick Muzin.
“Partia Demokratike është në shkelje të pastër të ligjit shqiptar për financim të paligjshëm të fushatës elektorale, duke thyer disa nene të ligjit shqiptar”-shkruan Tema.
Më poshtë janë dy tabela në të cilat jemi munduar të përmbledhim problematikën e shkeljes së ligjit nga PD përmes financimit të paligjshëm për lobim në SHBA dhe skandalin me financimet e ardhura nga kanale ruse.
