Nëna e shqiptare e 6-vjeçares Alesja, e cila ka mbetur e plagosur rëndë në Frouard, gjatë natës finale së Kupës së Botës, flet për ngjarjet dhe shëndetin e vajzës së saj. Ajo është një vajzë 6 vjeçare, ashtu si edhe moshataret e saj, një vogëlushe e ëmbël bionde e cila ishte e shtrirë në krevat. Një fytyrë engjëlli. Por në sytë e saj shikohej një trishtim i pafund. “Më parë, Alesja luante si një djalë dhe ajo ishte shumë aktive”, thotë nëna e saj, Inesa Rofi, gjysmë në frëngjisht, e gjysma në gjuhën shqipe, gjuhën e saj amtare. Por me vajzën e saj ka ndodhur mrekullia.
Çdo gjë e tronditi nënën e re më 15 korrik. Dita e finales së Kupës Botërore. Një ditë gëzimi për të gjithë, Francën, por jo për Alesjan. Rreth orës 20:30, pranë ndërtesës së saj në Place Nationale, në Frouard, një motoçikletë e kishte përplasur atë edhe dy fëmijë të tjerë, njëri prej tyre kushëri i Alesjas.
“Një mrekulli”: Vajza po kalonte në rrugë, dhe nëna e saj po e ndiqte nga pas. Ajo ishte me krocë në të cilën kishte djalin e saj të vogël, Alesës, 10 muajsh. “Nuk pata kohë të shikoja asgjë. Unë isha duke kërkuar në karrocë fëmijësh kur ndodhi aksidenti “, thotë Inesa Rofi. Kur sheh, vajza e saj të shtrirë në tokë, pa ndjenja dhe koka i ishte përgjakur.
“Nuk guxoja ta prekja”, kujton nëna e saj. Një doktor i ri është për fat të mirë ishte në mesin e dëshmitarëve të aksidentit. “Ai ndaloi gjakderdhjen. Ai më tha gjithashtu ta mbaja nga duar vajzën time dhe ti mbaja sytë e hapur”, thotë Inesa Rofi, ndërsa kujton momentin kur vajza e saj u përmend.
Vajza e saj më pas kishte rifituar vetëdijen. Pastaj ajo transportohet në Spitalin e Fëmijëve të Brabois. Ajo ka marrë një lëndim të madh në kokë (i është thyer kafka), dhe vajza i ishte nënshtruar dy operimeve por mjekët kishin qenë pesimistë. “Ata nuk na dhanë asnjë shpresë. ”
Është parashikuar prognozë vitale. Alesja kaloi një javë në koma. Pastaj kishte ndodhur “mrekullia”. Vajza kishte ardhur në vetëdije. “Një infermiere më paralajmëroi se ajo nuk do të zgjohej si në filma, në rregull. E megjithatë, kjo është ajo që ndodhi”, buzëqeshi nënën e saj. Fëmija si fillim kishte lëvizur dorën pastaj këmbët, ndërsa të nesërmen ajo kishte hapur sytë. “Nuk e kuptuam se çfarë po thoshte. Por kur babai i saj e pyeti nëse ishte mirë, ajo bëri një shenjë me gishta, se gjithçka ishte mirë “, thotë nëna.
“Ajo nuk e mban mend aksidentin”: Gjendja e vajzës së saj po përmirësohet shumë shpejt dhe mund të shkojë në shtëpi në ditët në vijim. “Kur e shohim, nuk mund ta imagjinoj sepse ajo ishte afër vdekjes. Vijat e operacioneve në kokë janë të fshehur nën flokët e saj. Fëmija duket i padëmtuar. Megjithatë, ka pasoja. Ajo e ka vështirësi të bjerë në gjumë, ka ankthe dhe nganjëherë e humben fillin.
Ajo nuk e mban mend aksidentin. Ajo nuk e di fare se çfarë ka ndodhur me të. Dhe do të duhet ta shohë një psikolog për t’ia shpjeguar”, -thotë nëna. Vajza e saj gjithashtu duhet të ndiqet nga një fizioterapist, sepse ajo vuan nga një humbja e ekuilibrit. Një skaner i ri dhe një raport i ri mjekësor janë planifikuar në spital në fund të gushtit. “Ne tashmë e dimë se Alesja nuk do të jetë në gjendje të kthehet në shkollë në shtator,” shton Inesa Rofi. Nëna tani është e gjendur mes gëzimit se vajza e saj është gjallë dhe ankthit se çfarë e pret atë në të ardhmen.
Në mes të këtij vërshimi emocionesh, për momentin ajo nuk do të komentojë për personin që i përplasi por është shprehur se: “Ajo që bëri ishte e pafalshme. Por nuk na takon ne të vendosim se çfarë do të ndodhë me të. Është detyrë e gjyqtarëve”.
Burimi: republicain-lorrain.fr
Përshtati: Tirana Today
