Postimi i plotë në facebook i Artan Fugës:
Susssssss qafira!
Cfarë teme e bukur për studim!
Sa janë shtuar digital killers këto javë! Profile fallco të krijuara aty për aty, në mënyrën më qesharake të mundëshme, fut ca foto, fut ca tekste pa lidhje, fut ca citate, dhe aq u krijuar profili!
Cfarë mungese profesionalizmi! Bëjini një çikë më mirë ato profilet maska, ku digital killers hedhin gurin dhe fshehin dorën : shajnë, fyejnë, kërcënojnë, flasin pa lidhje, shntazhojnë!
Militantë, digital killers të paguar, përfitues tenderash apo sorollop i tyre, sulen ndaj cdo analize, ndaj cdo ideje, duke dashur t’i mbyllin gojën gjithkujt që shprehet lirshëm në dëshirën e vet!
Janë këta që me ligjin kundër rrjeteve sociale dhe me të gjitha format duan të kontrollojnë televizionet, portalet dhe gazetat, kontrollojnë pushtetin ekonomik, postet e ndara në administratë me miq e farefis, ata që marrin truaje për ndërtim, lloj lloj individësh që përvidhen për një nëpunësi e rrogë të vogël në shtet, që i shpëtojnë syrit të publikut duke përfituar privilegje të vogla jeniçerësh, mercenarësh, duke i quajtur të tjerët budallenj, ata që për një vaksinë kineze pa radhë janë gati t’i fusin hanxharin kujtdo që u prish qetësinë sepse dëshiron që qytetari të trajtohet denjësisht, që pasuritë të mos rrëmbehen nga disa, që vendet e punës të mos ndahen sipas hallës, dajës, baxhanakut, djalit të burrit të motrës martuar me kushërirën e parë të kunatit të nipit të gjyshit nga mamaja!
Këta të pa turp, që kur i zhduk nga faqja bërtasin : diktaturëëë! Censurë!
Këta turpi i shoqërisë, këta që janë lëshuar nga zinxhirët sikurse lëshonte Napoleon Bonaparti të burgosurit për krime penale saherë që qyteti kishte turbullira për të trembur qytetarët!
Këta që bëjnë poshtë punën e fëlliqur që shefat në televizione të flasin me jaka të bardha, të tregojnë arritjet : raketën e çuar në Mars, nëndetëset e dërguara në kozmos, tenxheret që e bëjnë gatimin pa u vënë në zjarr, shpikjen e vaksinës, dhe që na premtojnë një të ardhme qiellore!
Dhe për ne këtu në web ku qytetarët falë teknologjisë mund të flasin lirshëm përgjojnë, përgojojnë, zënë pritë, shpifin, shajnë, pështyjnë! Dhe poqese u mbyll derën, thërrasin : Diktaturëëë!
Janë pikërisht këta që u nxjerrin kallajin fjalëve të bukura. Ata janë çka mendojnë për ne të vërtetë ca të pushtetshëm! Jepni votën pa pastaj llomotisni, pastaj masturbohuni në rrjetet sociale!
Për ta ne jemi plehra, idiotë, të çmendur, llapaqena, delirantë, utopistë, të paguar nga ky e nga ai, jemi të bezdisshëm, ne duhet të rrimë në punët tona, a thua se shoqëria nuk është puna jonë. kryesore!
Me lekët tona paguhen këta digital killers që të na bërtasin:
Por, tani susssssss qafira!
Ky është realiteti!
Shihni tani se çfarë do të vjellin ndaj këtij postimi!