Qeveria shqiptare ka hequr masën e mbajtjes së detyrueshme të maskave në klasa për nxënësit e ciklit të ulët. Maska do të jetë e detyrueshme në çdo ambjent tjetër të shkollës.
Ministria e Shëndetësisë ka nënvizuar se mbajtja e maskës është e detyrueshme për nxënësit e 9 vjeçares dhe ciklit të mesëm si dhe të gjithë personelin.
Të njëjtat masa ka marrë dhe Italia e cila hoqi masën e mbajtjes së maskave të detyrueshme në klasë për nxënësit mbi 6 vjeç në rast se respektohet distanca 1 metër.
Gjithashtu edhe Greqia ka njoftuar për masat e reja të cilat do të ndërmerren në vijim të rifillimit të shkollave. Sipas njoftimeve të Ministres së Arsimit, maska do të përdoret kryesisht në ambiente të mbyllura, përveç në kohën e vaktit.
Në ambiente të jashtme të shkollave do të përdoret vetëm në rast të mbipopullimit. Nuk ka asnjë parashikim për përdorimin e një maske gjatë pushimeve, e cila do të jetë kohë e ndryshme për grup studentësh, as në palestër. Maska do të jetë gjithashtu e detyrueshme në transportin e studentëve.
Kategoritë e studentëve që përjashtohen nga përdorimi i detyrueshëm i maskës janë fëmijët me aftësi ndryshe si dhe nxënësit me probleme të sistemit respirator.
