Të paktën 36 persona humbën jetën sot në mëngjes në kryeqytetin filipinas, Manila. Ngjarja ndodhi në një kazino, kur një person hapi zjarr papritur, çka çoi në shpërthimin e një zjarri që u hap me shpejtësi të madhe.
Drejtori i policisë së kryeqytetit, Osar Albayalde tha se ”Trupat e viktimave u gjendën në zonën e kazinosë, në katin e dytë dhe të tretë të Resorts World Manila, kryesisht të asfiksuar”, raporton BBC.
Edhe i dyshuari për sulmin vdiq kur i vuri vetes zjarrin, më shumë se shtatë orë pasi kishte hyrë në këtë kompleks, që gjendet pranë një aeroporti dhe një baze ajrore.
Ndërkohë autoritetet po shqyrtojnë mundësinë e një sulmi terrorist.
