Një person i seksit mashkull është gjetur i pajetë në një kanal në fshatin Hoxharë e Vjetër të njësisë Ndëmënas në Fier. Viktima i identifikuar si Arif Xhafa, 22-vjeç nga Fieri, është përplasur nga një makinë dhe më pas ka përfunduar në kanal.
Trupi i të riut është gjetur nga familjarët e tij dhe është shoqëruar më pas për në spitalin e Fierit nga i ati.
Policia dhe grupi hetimor po punon për zbardhjen e plotë të rrethanave të ngjarjes, ku mbeti i vdekur 22-vjeçari fierak.
Njoftimi i Policisë:
“Gjatë orëve të mbrëmjes, në aksin rrugor Fier-Ndërmënas, në kanalin anësor të rrugës është gjetur trupi i pajetë i shtetasit A.Xh, 20 vjeç. Nga rrethanat në të cilat është gjetur trupi i pajetë dyshohet të ketë ndodhur aksident automobilistik pasi ka mbetje nga mjeti që e ka goditur. Po punohet për identifikimin e mjetit dhe drejtuesin e tij. Eshtë ngritur grupi hetimor dhe po punon për zbardhjen e plotë të kësaj ngjarje”, njofton policia.
