Festat sjellin rritjen e çmimeve në vend. Qytetarët çdo vit shprehen të shqetësuar, pasi buxheti është i papërballueshëm për çmimet stratosferike. Sivjet, është reflektuar rritje çmimesh në tregun e fruta-perimeve në Elbasan.
Edhe pse duket ende herët, tregtarët pretendojnë se rënia e prodhimit vendas, ka çuar në një rritje të vogël të çmimeve. Por qytetarët janë ata të cilët përballen me këto pasoja. Ata thonë se rritja e çmimeve, pa hyrë ende dhjetori, është i papërballueshëm.
Ashtu siç ndodh rëndom, afrimi i festave të fundvitit sjell një rritje të çmimeve, që prek artikujt e shportës.
