Trafiku i rënduar në fundvit ka krijuar një situatë të vështirë për qytetarët që udhëtojnë në rrugët kryesore të vendit, veçanërisht në autostradën Tiranë-Elbasan dhe në akset që lidhin juglindjen me kryeqytetin.
Në zonën e Bradasheshit, radha kilometrike e automjeteve ka bërë që shumë drejtues mjetesh të presin deri në një orë në trafik.
Kjo situatë përsëritet çdo fundvit dhe gjatë sezonit veror, kur fluksi i lëvizjeve rritet ndjeshëm, duke nxjerrë në pah mungesën e masave efektive nga autoritetet për të përballuar trafikun e rënduar.
Pavarësisht nga nevoja e qartë për investime në infrastrukturë dhe planifikim më të mirë të lëvizjes, duket se deri tani nuk janë ndërmarrë hapa konkretë për të shmangur këtë makth të përvitshëm për udhëtarët.
