Ferrari ka marrë vendimin, Kimi Raikkonen nuk do të jetë më pilot i skuderisë italiane pas përfundimit të Botërorit të Formula 1të vitit 2019. Lajmin e largimit të pilotit finlandez e ka konfirmuar vetë skuderia me anë të një komunikate në faqen e saj zyrtare. Në komunikatë, Ferrari thekson se Raikkonen do të mbetet në historinë dhe familjen e kësaj skuderie si kampion bote.
Kampioni i botës së vitit 2007 me “kokëkuqen”, në dy sezonet e ardhshme do të jetë pjesë e me Sauberin, skuadër me të cilën nisi karrierën e tij në Formulën 1 në vitin 2001. Për sa i përket pasuesit të Raikkonenit, Ferrari konfirmoi ardhjen e 20-vjeçarit Charles Leclerc vitin e ardhshëm, për të formuar partneritetin me 4 herë kampionin e botës, Sebastian Vettel.
Produkt i akademisë së Ferrarit, Leclerc garon këtë sezon me Sauber Alfa Romeo. Përpara se të kalonte në Botërorin e Formulës 1, 20-vjeçari nga Monako ka fituar tituj në GP3 dhe F2.
Ndërsa mbetet për tu parë se si do të jetë bashkëpunimi mes dy makinave Ferrari në garat e mbetura, pasi finlandezi është shkarkuar për arsyen se nuk ndihmonte Vettel për të fituar, pasi gjermani është piloti i parë i “kokëkuqes”.
