Një ekspozitë e veçantë do të hapet në muzeun e Ferrarit, në nder të 50-vjetorit të kampionit Michael Schumacher. Lajmi është bërë i ditur nga ekipi i Formula One, teksa tha në një deklaratë se ekspozita është menduar si një festë dhe një shenjë mirënjohjeje për shoferin më të suksesshëm të Ferrarit.
Ekspozita do të hapet më 3 janar 2019, pikërisht në datën kur Schumacher mbush 50 vjeç. Kampioni pësoi një dëmtim të rëndë të trurit në një aksident me ski, në vitin 2013 dhe nuk është parë në publik që prej asaj kohe.
Ekspozita ‘Michael 50’ është në bashkëpunim me Fondacionin “Keep Fighting”.
