Tulsi Vagjiani është foshnja që u dogj në një aksident avioni dhe mbijetoi. Aksidenti i vrau të gjithë familjen e saj. Pas 50 operacioneve për të riparuar ‘fytyrën e saj të shkrirë’, ajo thotë se ndihet ‘e bukur dhe sexy’
Tulsi Vagjiani pësoi djegie të tmerrshme pasi u tërhoq nga rrënimi i një aksidenti me avion në Indi, pothuajse 30 vjet më parë. Avioni vrau 92 vetë, duke përfshirë gjithë familjen e saj, ajo ka zbuluar se si ka pranuar plagët e saj dhe tani ndihet e bukur.
Tulsi Vagjiani, 37 vjeç, ishte e vetmja anëtare e familjes së saj që i mbijetoi katastrofës ajrore në vitin 1990. Tani Tulsi thotë se shikohet në pasqyrë dhe beson se ajo është e bukur brenda dhe jashtë. Ajo tani e pëlqen paraqitjen e jashtme dhe madje ka marrë pjesë në një shfaqje të modës.
Prej vitesh ajo dëshironte që të ishte vrarë së bashku me prindërit e saj, Dhanji dhe Premila, si dhe vëllai Kamlesh, në vend që të jetonte me pamjen e saj të djegur.
Tulsi ka duruar më shumë se 50 ndërhyrje në fytyrën, gjoksin dhe këmbët e saj. Tani ajo pranon plagët e saj, ajo thotë se më në fund ndihet bukur dhe sexy.
“Unë jam e bukur dhe ndihem sexy. Mu desh një kohë shumë e gjatë për ta thënë këtë. Por më në fund kam pranuar se kush jam dhe kjo ka ndryshuar jetën time. Asnjëherë nuk kam imagjinuar të përdor fjalë të tilla për veten time. Shpresoj se unë mund t’i ndihmoj femrat e tjera të kuptojnë sa të bukura janë”,- tha Tusli.
Tulsi, lindi në Londër,ajo ishte me pushime në Indi, në moshën 10 vjeçare, kur aeroplani që ajo dhe familja e saj po udhëtonin, u rrëzuan gjatë uljes në Bangalore dhe shpërtheu në flakë. Ajo u tërhoq nga rrënojat jashtë, duke u mbajtur në jetë nga një pasagjer dhe u nis për në “Essex” ku u trajtua për djegie të shkallës së lartë.
Përfundimisht ajo mësoi lajmin e tmerrshëm se prindërit e saj, 35-vjeçar të dy dhe vëllai i saj 4 vjeç, ishin vrarë të gjithë. Por Tulsi nuk kishte asnjë ide se pamja e saj kishte ndryshuar në mënyrë dramatike dhe herën e parë që ajo pa reflektimin e saj, mendonte se ishte një i huaj.
“Unë nuk dukem si unë, dukej si një përbindësh. Isha aq në depresion, saqë dëshiroja që të kisha vdekur me familjen time dhe jo të detyrohesha të jetoja”,- tha ajo. Pika e kthesës erdhi në 2012 kur ajo pa një program për mbijetesën e Katie Piper, ndaj sulmeve acidike dhe i shkroi asaj duke shpjeguar se çfarë kishte kaluar.
Muaj më vonë ajo mori një përgjigje nga Katie, e cila i ofroi pagesën e operacioneve. Përfshirë tatuazh vetullash dhe trajtim me laser.
Tulsi shpjegoi: “Ndryshimi im ishte i pabesueshëm. Vetullat më bënin të ndihem më normale dhe lazeri më ndihmoi të lëvizja përsëri fytyrën time”.
Pas trajtimeve të tjera, për herë të parë pas disa vitesh ajo ishte në gjendje të lëvizte gojën e saj mjaftueshëm për të buzëqeshur. Rritja e besimit të saj ishte e pabesueshme dhe filloi të postojë fotot online për herë të parë. Ajo madje mori pjesë në një shfaqje mode.
“Unë jam mbuluar me plagë, por mund të them me bindje se jam e bukur dhe kjo është për shkak se më në fund e kam kuptuar se bukuria vjen nga brenda. Nëse jeni të bukur në brendësi, ju jeni të bukur edhe në pjesën e jashtme. Kam kaluar shumë, por më në fund mund të buzëqesh”- përfundoi Tulsi Vagjiani.
/ TIRANA TODAY
