Cristiano Ronaldo dos Santos Aveiro lindi më 5 shkurt 1985 në Santo Antonio, në ishullin portugez të Madeiras. Ai ishte më i vogli nga 4 fëmijët, dhe lindi nga një shtazani e padëshiruar. “U bëra ky që jam nga hiçi. Ne ishim shumë të varfër, ndanim një dhomë më vëllain tim dhe 2 motrat.
Dolores, nëna e Ronaldos ishte shefe kuzhine, ndërsa babai i tij, Dinis ishte kopshtari i bashkisë. Dinis e quajti të birin “Ronaldo”, sipas aktorit të tij të preferuar të kohës, ish-presidentit amerikan Ronald Regan. Ronaldo nisi të luajë futboll në rrugë që në moshë të re, dhe fitoi nofkën ‘fëmija qaraman’.
Nëna e Ronaldos kujton:”Ai qante gjithmonë kur pasonte, dhe miqtë e tij nuk arrinin të shënonin, prandaj njerëzit e thërrisnin fëmija qaraman”. Në moshën 8-vjeçare Ronaldo iu bashkua skuadrës amatore Andorinha, kur i ati ishte trajner. Kumbari Fernao Souza:”Ai flinte gjumë me topin e tij, nuk e lëshonte asnjëherë”.
Kur ishte 10-vjeç Ronaldo nënshkruan një kontratë me Nacional, një nga ekipet më të mëdha të Madeiras. Më pas pati një provë me gjigantët portugezë të Sportingut të Lisbonës, të cilët vendosën të nënshkruanin një kontratë me të, kur ishte vetëm 12-vjeç. Kjo do të thoshte se Ronaldo i ri, duhet të largohej nga familja për në kryeqytetin e Portugalisë në kontinent.
Ronaldo ishte tepër i lidhur me familjen duke pranuar:”Qaja çdo ditë, familja më mungonte shumë. Në shkollë isha shumë popullor, por s’kisha interes të mësoja. U përjashtova nga shkolla, pasi qëllova mësuesin me karrige”. Thuhet se mësuesi nga Lisbona e kishte tallur Ronaldon për të folurën në dialektin e Madeiras. Ronaldo kujton:”Ai tregoi mungesë respekti ndaj meje”.
Miguel Paixao, shoku i skuadrës tek të rinjtë e Sportingut kujton:”Ronaldo kishte diçka të veçantë. Ai bënte gjëra të ndryshme nga ne të tjerët. Në moshën 15-vjeçare, diagnostifikohet me probleme me zemër, të cilat mund ta detyronin të linte tërësisht futbollin. Fatmirësisht iu nënshtrua një ndërhyrjeje kirurgjikale me lazer për të riparuar problemin, dhe u rikthye në stërvitje pak ditë më vonë. Ronaldo shënoi një përparim të shpejtë në radhët e akademisë së Sportingut.
Ai u bë lojtari i vetëm i Sportingut që luajti për U-17, U-18, skuadrën e dytë dhe atë të parë brenda një sezoni. Në vitin 2003, ishte nën vëzhgimin e klubeve të mëdha si Arsenal, Liverpul dhe Barcelona. Gjithsesi pasi poshtëroi me disa lëvizje mbrojtësi Xhon O’Shi gjatë një miqësoreje, Mançester Junajtid firmosi një kontrate me Ronaldon për 12 milionë paund, dhe pjesa tjetër e historisë dihet tashmë.
TIRANA RODAY
