Ditën e djeshme qarkulloi me shpejtësi lajmi se ish-kryeministri i Shqipërisë, Fatos Nano ndodhej në spital.
Nano prej ditësh ndodhet i shtruar në një nga spitalet private në Tiranë. Newsbomb.al mësoi se që prej javës së kaluar ish-kryeministri ndodhet në spitalin “Hygeia”.
Pas komplikacioneve me frymëmarrjen Nano u dërgua në spital ku dhe përgjatë gjithë këtyre ditëve ka qenë nën kujdesin e mjekëve në reaminacion.
Lajmi për gjendjen shëndetësore të Fatos Nanos ka bërë jehonë dhe në mediat greke. Të cilat shkruajnë se ish-kryeministri është shtruar në spital për shkak të një problemi kronik të frymëmarrjes.
Mediat greke shkruajnë për ish-kryeministrin NanoMediat greke shkruajnë për ish-kryeministrin NanoMediat greke shkruajnë për ish-kryeministrin Nano
Ish-kryeministri dhe kreu i Partisë Socialiste është përballur sërish me probleme shëndetësore. Ai dy vite më parë u shtrua në spitalin e Tiranës për të marrë ndihmën mjekësore, i shoqëruar nga bashkëshortja e tij, Xhoana Nano.
Fatos Nano është 71 vjeç dhe ka qenë tre herë kryeministër i Shqipërisë. Ai është themeluesi dhe kreu i parë i Partisë Socialiste të Shqipërisë dhe qëndroi në drejtimin e saj deri në vitin 2005 kur u largua nga politika.
